الغابه

النهارده انا مش هكتب بالفصحى لا الحكايه دى هتكتب بالعاميه دى حكايه وقصه غدر وخوف كان يا زمان كان فى غابه والغابه حصل فيها فيضان غرقها كلها ومات منهم اللى مات وهو بيدافع عن اخواته واللى مات وهو بيدافع عن ارضه وملك الغابه تركها ورحل وطبعا الغابه لازم يبقى ليها ملك طلعت الحيوانات كلها كل واحد منهم طمع فى السلطه كل واحد قال فى نفسه ليه مش انا صحيح اشمعنى بس الاسد اللى يبقى ملك المهم طلع الطاووس ونافش ريشه وفرحان بنفسه قال انا بطالب بانتخابات رئاسيه مبكره قصدى ......معلش اصل انا نسيت ان دول حيوانات برده المهم قعد يقول انا هعمل كده وهعمل كده وكده وكده وكل عارف ان الطاووس كلام وبس زى ماهو شكل وبس واجى الضبع من بلاد بره فاكرها مسقيه يوةةةة .........معلش نسيت تانى دول حيوانات مفيش بلاد بره برده المهم الضبع قال الحريه والديمقراطيه واللى مش عارف ايه والكل عارف هو مين اصلا وطلع الثعلب وطلع الفار وكل واحد بدوره وساعتها ظهر القرد بس مظهرش لوحده لالالالالالالالا جاب حبايبه كلهم واجى العزوة حلوة برده وطلع وقال اسمعونى يا اهل الغابه كل اللى طلعوا دول محدش فيهم هيعمل حاجه دول شبه الاسد اللى راح ومحدش عايز مصلحتك الا انا وصحابى دول (ربنا يستر) وده عربون حسن نيه وقام هوه وجماعته نهضوا بالغابه وظبطوها على الاخر وجابوا لكل حيوان الزيت والسكر بتاعه يوةةةةةةةةةةةة معلش يا جماعه بنسى مش عارف اعمل ايه قصدى الاكل بتاعه لحد وقلهم لو وافقتوا عليا انا هعمل اكتر من كده ده انتم اهلى وحبايبى طبعا اهل الغابه فرحوا بيه طبعا الحيوانات دول غلابه خارجين من خراب وخساره واصلا الاسد اللى قبل كده كان وحش معاهم قصر الكلام بقى القرد ملك الغابه ومن ساعه ما بقى الملك وهو بان على حقيقته متعرفش هو عايز ايه وعد الحيوانات بوعود كتير وفضل يصبرهم معلش انا هعمل وانا هطور ولا هو عمل ولا طور والحيوانات مع مرور الوقت بدات الخنقه تبان عليهم وتزيد حاله الغضب كل مره اكتر واللى زاد وغطى اب بقى يستقبل حيوانات تانيه فى القصر الرئاسى اللى مش بتاعه اسف معلش قصدى فى الشجره اللى هى مش بتاعته رواد غير مرغوب فيهم حيوانات قاتله طماعه جشعه جايه تاخد نصيبها من التركه وطبعا اكتشف اهل الغابه ان القرد كداب وطبعا ده كان متاخر  .
طلعت مجموعه من الحيوانات الغابه اللى قالوا انهم لا يمكن يسكتوا على الظلم ابدا كان  منهم الطاووس والضبع والثعلب وقالوا احنا لازم نعمل حلف مع بعض عشان نحارب ظلم القرد (ربنا اعلم بقى باللى فى النيه) وطغيانه ونشروا كلامهم فى الغابه فى كل مكان والحيوانات كلها عرفت والكلام وصل وللقرد وبعت ليهم وقالهم تعالوا نكلم مع بعض وفعلا راحوا للقرد عشان يتكلموا .
القرد عمل فيها عبيط وقعد يلف ويدور عليهم طبعا اتخانقوا منه وسابوا ومشوا وراح القرد تانى يوم طالع على التلفزيون (مش عارف والله انا اعمل ايه فى نفسى باين انا جالى زهايمر)قصدى طلع على اهل الغابه يعنى وقلهم انا دعيت المعارضه واتكلمت معاهم وهما رفضوا كلامى وهانونى ومشوا .
طبعا اهل الغابه حصل ما بينهم انقسمات مابين اللى شايف ان القرد صادق والى شايفوا كداب وفضل الحال ايام كتير تعدى والوضع اسوء فاسوء الحراميه كتروا فى الغايه والقتل والقرد نايم على ودانه يجى حيوانات تانيه عايز تاخد حته من ارض الغابه الطبيه الطاهره واللى عايز برده ياخد الميه من الاخر الغابه بقت نهيبه (ربنا يسمحنا ضيعنا اللغه العربيه) وفى يوم ظهر اسد فى الغابه القرد اللى جابوه عشان قال ايه يحمى الغابه من الحراميه وقالوا انا هسلمك سلطه حمايه الغابه وخصوصا ان عمك حبيبى وعشره من زمان المهم الاسد راح عشان يستلم الغابه لقاها منهوبه ومسروقه ومدمره المشكله مش فى كده المشكله ان اللى عمل فيها كده جماعه القرد طبعا محدش يقدر يكلمهم معاهم حمايه
الاسد زعل اوى لانه حس ان القرد حاطه كده صوره مش اكتر لكن الاسد مرضاش بكده جمع كل اخواته والمخلصين للوطن وقلهم اللى بيحصل ده غلط كبير لازم نتصرف وبدا يحاول يحمى حدود الغابه بحراس شجعان ما بيخافوا ابدا ومستعدين يموتوا فداها وفعلا مسكوا شويه حراميه القرد اتوسط وقال معلش سيبوهم اصلهم تبعى
الاسد زاد غضبه اكتر ومن جهه تانيه ظهرت مجموعه حيوانات شايفين ان القرد كده انتهى ومبقاش يستحق يفضل ملك للغابه وبداو يدوروا على اللى يساعدهم فى بحثهم واتكلموا مع الحيوانات اللى فى الغابه مش كلهم طبعا ولكن اكبر عدد ممكن وقالوا يوم عيد ميلاده هنجمع كلنا و نبلغوا ان انت كده شكر اوى على مجهودك واحنا مبسوطين منك وكفايه عليك كده وبالفعل الكلام اتسرب وراح للقرد
القرد خاف وكلم كبير القرود القرد العجوز بتاعهم قال متخافش دول شويه حيوانات هنسيب عليهم كما غوريلا من عندنا هيخوفوهم .
والقرد التانى اللى فاكر نفسه زعيم قالوة وانا من ناحيتى هخلى حيوانات الغابات التانيه تقلب عليهم والكلام وصل للاسد .
تانى يوم القرد طلب الاسد يروح ليه والاسد راح وقبل ما القرد يتكلم الاسد عطاه خيارين الانسحاب بهدوء او يواجهه العواقب وقال ان الغابه دى بيتنا واهلها اهلى واللى هيقولوا عليه هعمله .
القرد اتكبر وشاف انه لسه يقدر يسيطر وقال للاسد انا هملك الغابه لالف سنه قدام
واجى اليوم المنتظروالحيوانات اتلمت والقرد كان فى بيته ولما بعي لجماعته كلهم اختفوا وسابوه لوحده
والاسد راح لبيته وبلغ بقرار الحيوانات والقرد رفضه وحبسه الاسد فى بيته وطرد الحيوانات الغريبه...............................................................................................................................................
                            انتوا فاكرين ان دى النهايه دى بس البدايه لكن النهايه محدش يعرف هى ايه ومين اللى هينتصر (الله اعلم )

اقرأ المزيد