- قالوا خمسه وعشرين دى ثورة قلت انا وماله
- قالوا هنشيل رئيس الدوله وعياله
- سالتهم عن عرابى الفارس الحر ورجاله
- قالوا لى كلام فى التاريخ مالى انا وماله
- ده انا اللى هقلبها واجددها بعد طغيانه
- وهجيب عاليها واطيها وابنيها واعلى بنيانه
- بعلم سكسونى وفكر ماسونى وبدع الامريكانو
- صرخت واستحضرت على اجدادى وكيف كانوا
- وقلت لا يا شباب بحق ضفيره ناعسه وحسن ومواله
- الارض دى مدفون فيها بذور ما يقدر يجرفها طوفانه
- عفوا يا شهيد الثورة والله ما كان القصد والنيه
- الاولى موجه نبتت من بذره حره ومصريه
- اتروت بدماء ابناء رجال بعرقهم الارص مرويه
- عشان تبقى البذور صرخات محميه ومخفيه
- تستنى جيل يفجرها ويرويها بالدم والميه
- والثانيه نايمه فى الضلمه وللتورته مستنيه
- وهسيبه يقسمها وساعتها يبانوا الحراميه
- قديما فى المثل قالوا ساعه القسمه تتفضح النيه
- ويعرفوا يا شهيد ان اللى بنا دم مش ميه
- يا كبدى واخويا وضنايا قتلوك الخوارجيه
- على ارض مبذوره وكنوزها مستوره
- وفالكتاب الحق عن الصادق الامين مذكوره
- يسيل الدم ع الارض البكر تتوحم المقهوره
- بحمل تتأوه وتتمناه طبق الاصل فى الصوره
- ولما اهتزت وربت وربرت فى عيون مخموره
- طمع فيها الفواجر والمخنثبن وابو عين عوره
- ولما جاها المخاض جباره صايمه ومأموره
- الفجر فيها التاريخ والحجروالحضاره المغموره
- وقف وليدهابطل عملاق صرخت هزت المعموره
- لبيك يا ام الدنياوالعرب يا اصيله يا منصوره
0 التعليقات:
إرسال تعليق